ថ្ងៃទី៩ ខែមិថុនា ឆ្នាំ ២០២៥

ចលនាខ្មែរដើម្បីប្រជាធិបតេយ្យ (KMD) សូមទទួលស្គាល់ និងស្វាគមន៍ដំណើរទស្សនកិច្ច ជាផ្លូវការរបស់លោកនាយករដ្ឋមន្ត្រី ហ៊ុន ម៉ាណែត នៅសាធារណរដ្ឋបារាំង ដើម្បីចូលរួមសន្និសីទ អង្គការសហប្រជាជាតិអំពីមហាសមុទ្រ ដែលជាព្រឹត្តិការណ៍ដ៏មានសារៈសំខាន់ក្នុងការដោះស្រាយ បញ្ហាពាក់ព័ន្ធនឹងបម្រែបម្រួលអាកាសធាតុ កិច្ចការពារមហាសមុទ្រ និងការអភិវឌ្ឍប្រកបដោយ ចីរភាព។ យើងសូមអបអរសាទរចំពោះការចូលរួមរបស់កម្ពុជាក្នុងវេទិកាដ៏មានសារៈសំខាន់នេះ និងលើកទឹកចិត្តឱ្យបន្តចូលរួមពាក់ព័ន្ធក្នុងសកម្មភាពពហុភាគីដើម្បីការពារមហាសមុទ្ររបស់ យើង និងការធានានូវអនាគតមួយប្រកបដោយចីរភាព។

KMD មានជំនឿថា ដំណើរទស្សនកិច្ចនេះមិនមែនធ្វើត្រឹមតែជានិមិត្តរូបផ្នែកការទូតនោះ ឡើយ ហើយលោកជានាយករដ្ឋមន្ត្រី ហ៊ុន ម៉ាណែត ពិតជាមានសេចក្ដីក្លាហាន និងមានទំនួល ខុសត្រូវខ្ពស់ដើម្បីប្រើប្រាស់ឱកាសទស្សនកិច្ចនេះសម្រាប់ដោះស្រាយបញ្ហាជាតិ ជាពិសេសពាក់ ព័ន្ធនឹងបញ្ហាបូរណភាពទឹកដីដែលមិនទាន់ដោះស្រាយចប់ជាមួយប្រទេសថៃ។ ក្នុងន័យនេះ យើង ជឿជាក់ថា លោកនាយករដ្ឋមន្ត្រី ហ៊ុន ម៉ាណែត នឹងចាប់ផ្តើមពិភាក្សាជាផ្លូវការជាមួយមេដឹកនាំនៃ ប្រទេសបារាំង ដើម្បីស្នើសុំជំនួយបច្ចេកទេស និងផែនទីច្បាប់ដើមដែលជាឧបសម្ព័ន្ធនៃសន្ធិសញ្ញាបារាំង-សៀម សម្រាប់ជួយគាំទ្រដល់កិច្ចខិតខំប្រឹងប្រែងដោះស្រាយជម្លោះតាមបណ្ដោយព្រំដែន កម្ពុជា-ថៃ ដូចជានៅប្រាសាទតាមាន់ធំ ប្រាសាទតាមាន់តូច ប្រាសាទតាក្របី តំបន់ត្រីកោណ មរកត (មុំបី) និងតំបន់ជុំវិញប្រាសាទព្រះវិហារ ជាដើម។

លើសពីនេះ លោកនាយករដ្ឋមន្ត្រី ហ៊ុន ម៉ាណែត គួរស្វែងរកជំនួយបច្ចេកទេស និងផ្នែក ច្បាប់ពីប្រទេសបារាំង ដើម្បីជួយប្រទេសកម្ពុជាក្នុងការពន្លឿនការផ្ដល់សច្ចាប័ន និងការអនុវត្តអនុ សញ្ញាអង្គការសហប្រជាជាតិស្ដីពីច្បាប់សមុទ្រ (UNCLOS)។ លោកនាយករដ្ឋមន្រ្តីគួរស្នើសុំផង ដែរនូវផែនទីដែលគូសដោយអ្នកជំនាញបារាំង និងឯកសារផ្លូវច្បាប់នានាពាក់ព័ន្ធនឹងកោះគុត និង តំបន់សមុទ្រត្រួតស៊ីគ្នា (OCA) ក្នុងឈូងសមុទ្រថៃ ដែលជាឯកសារដ៏មានសារៈសំខាន់បំផុតចំពោះ អធិបតេយ្យភាពដែនសមុទ្ររបស់ប្រទេសកម្ពុជា។

នៅទីបញ្ចប់ យើងមានជំនឿយ៉ាងមុតមាំថា លោកនាយករដ្ឋមន្ត្រី ហ៊ុន ម៉ាណែត នឹងបង្ហាញ នូវភាពជាអ្នកដឹកនាំ និងមានទំនួលខុសត្រូវខ្ពស់ក្នុងការដោះស្រាយជម្លោះទាំងអស់ដោយសន្តិវិធី និងផ្អែកលើគោលការណ៍ច្បាប់ជាមូលដ្ឋាន។ យើងសូមឯកភាពទាំងស្រុងថា ដើម្បីសម្រេចបាន ដូច្នោះ លោកនាយករដ្ឋមន្រ្តីនឹងលើកយកបញ្ហាជម្លោះបូរណភាពទឹកដី ទាំងនៅលើដីគោក និងនៅ ដែនសមុទ្រជាមួយប្រទេសថៃ ដាក់ជូនតុលាការយុត្តិធម៌អន្តរជាតិ (ICJ) ដែលជាស្ថាប័នយុត្តិធម៌ អន្តរជាតិដ៏គួរឱ្យទុកចិត្តបំផុតដែលមានសមត្ថកិច្ចដោះស្រាយបញ្ហាជម្លោះបូរណភាពទឹកដីផ្អែកលើ កាតព្វកិច្ចផ្លូវច្បាប់ ភស្តុតាង និងសន្ធិសញ្ញា។

ប្រជាពលរដ្ឋខ្មែរទាំងក្នុងនិងក្រៅប្រទេសនៅតែទន្ទឹងចង់បានការរស់នៅប្រកបដោយសុខ សន្តិភាព អធិបតេយ្យភាព នីតិរដ្ឋ និងការរួមរស់ដោយសន្តិសហវិជ្ជមានជាមួយប្រទេសជិតខាង និងសហគមន៍អន្តរជាតិ។ យើងជឿជាក់ថា ភាពជាអ្នកដឹកនាំ ភាពក្លាហាន និងបញ្ញាញាណរបស់ លោកនាយករដ្ឋមន្ត្រី ហ៊ុន ម៉ាណែត នឹងធ្វើឱ្យបំណងប្រាថ្នារបស់ប្រជាពលរដ្ឋខ្មែរបានសម្រេច ជាក់ជាមិនខានក្នុងពេលអនាគតឆាប់ៗនេះ៕